一直想試下呢間,聽講推出左醉香酸辣粉😋 就去試左下新嘅醉香系列,魷魚翼、蓮藕仲有帶子都好好味吖!仲見到好多熟客會買醉香萵筍,但本人未試過,下次再試喇😋
除左有傳統的魚旦、支竹等等,仲有獨創的手摣麻辣豬筒骨😋非常入味嘅豬肉同黏附係豬骨長嘅軟骨,辣味剛好,非常有風味!(建議外賣回家吃,因為的確會大份d嘅🤣),今日問左老闆娘,點擊產品可以搶先睇產品😍!
當然喇~吃不了辣嘅朋友可以選擇小辣甚至唔辣,但本人覺得原味辣係最好吃嘅!令我最回味的就是佢嘅醉香系列😋😋😋雖然唔係澳門首創,但係有過之而無不及,對於吃得少少辣嘅我嚟說,可以話係辣味啱好(唔怕澀唔怕嗆口,如果吃得辣嘅靚仔、靚女,可以問下老闆加大辣),入口仲有少少麻,做到惹味嘅效果!加上啤酒真是人生一大快事的宵夜🍻😂(如果食唔到辣嘅朋友可以飲少少牛奶抵消辣味)
價錢方面性價比算係好高喇! 今晚我要左三盒醉香系列竟然唔洗$200澳門幣!極力推薦醉香系列的鮑魚😋下次試左其他系列,再同大家分享~
地址:筷子基海皮附近的,澤賢記旁邊
如果5⭐️係滿分
味道:⭐️ ⭐️ ⭐️⭐️+半顆(最主要是佢嘅辣惹味和性價比高,這個價錢吃到這個味道,係宜家嘅市場確實是不錯,所以評四星半)
服務:⭐️⭐️⭐️⭐️(有時候太忙未必會照顧到很多人,但老闆娘同老闆人真係不錯)
衛生:⭐️⭐️⭐️⭐️(見到有安裝淨水器,仲用淨水器的水來清洗食材,所以湯汁和食材,相對比較乾淨、安心,尤其宜家疫情環境下)
位置:⭐️⭐️⭐️⭐️⭐️(容易搵到,係店面對開可以泊車一陣)
性價比:⭐️⭐️⭐️⭐️⭐️(呢個最重要!因為大家都希望搵到又抵食又好食嘅靚野)
二人大骨桶-醉香樓
$198
溫馨提示:圖片僅供參考,請以實物為準。高峰點餐時段,請您提前下單